“Për punonjësit me të ardhura të ulëta, mjetet për pushime vjetore të subvencionuara sigurohen në programet e Ministrisë së Ekonomisë, por ndryshe nga viti i kaluar kur kemi ndarë 12 milion euro për atë qëllim së bashku me kovid-masën për dhënien e kartelave për turizëm vendor, këtë vit vendosëm të ndajmë 15 milion denarë”.
Këtë e konfirmoi sot ministri i Ekonomisë Kreshnik Bekteshi. Ai tha se nga viti 2018 kanë filluar me realizimin e këtij programi në Ministrinë e Ekonomisë për të inkurajuar turizmin vendor, por edhe për të siguruar hapësirë për bashkëqytetarët që kanë të ardhura të ulëta të përdorin pushimet dhe të vizitojnë destinacionet vendore turistike.
“Vitin e kaluar kishim mbi 12 milion euro të alokuara për këtë program së bashku me kartelat që i akorduam për turizëm vendor, dhe këtë vit sipas buxhetit të Ministrisë dhe të realizuar më parë vendosëm të shkonim me 15 milion denarë për pjesën e parë të vitin”.
“Deri në fund të vitit, nëse të gjitha mjetet përdoren, ne do të gjejmë mundësi të tjera brenda Ministrisë së Ekonomisë, por edhe përmes ribalancit të mundshëm të buxhetit të shtetit për të plotësuar mjetet nëse ato realizohen 100 për qind”, tha Bekteshi.
Ai theksoi se vitin e kaluar rreth 70 për qind e mjeteve të planifikuara për pushime të subvencionuara dhe për dhënien e kartelave për turizëm vendor u realizuan si masë për të mbështetur sektorin e turizmit si një nga më të prekurit nga pandemia.