Mbi 750 qytetarë deri të premten në llogaritë do t’i kenë paratë për vendosjen e sistemit me gaz në automjete, paralajmëroi sot ministri i Ekonomisë Kreshnik Bekteshi.
“Afati për thirrjen publike tashmë ka përfunduar, ndërsa deri në fund të javës, gjegjësisht deri të premten të gjithë që kanë aplikuar dhe i kanë përmbushur kushtet do t’u paguhen paratë nga subvencionet”, tha Bekteshi në përgjigjen e pyetjes para fillimit të panel debatit “Të dhënat parafiskale – Çfarë ngarkese paraqesin për kompanitë?.
Ai theksoi se sipas të dhënave që i janë parashtruar nga Sektori, subvencionet do t’u ndahen 750 qytetarëve.
Për subvencionimin e instalimit të sistemit për gazit TNG, metanit apo lloj tjetër të karburantit në makinë subvencionohet 50 për qind nga çmimi i shpenzimeve për furnizimin dhe vendosjen e pajisjes, por jo më shumë se 300 euro në kundërvlerë të denarit.
Siç theksoi Bekteshi, tashmë është nga fundi modeli i ri për furnizimin e subvencionuar të automjetit me EURO 5 apo standard më të lartë ekologjik.
“Do të shkojmë me dispozitë në të cilën kryesore është se do ta kemi parasysh aspektin ekologjik”, theksoi Bekteshi.