Nënkryetari i BDI-së dhe kryetari i Komunës së Gostivarit ka folur sot para selisë së partisë, pas daljes nga takimi me ministren e Pushtet lokal, Shirete Elezi, shkruan Telegrafi Maqedoni.
”Sot u takuam ne, të gjithë kryetarët e komunave nga BDI. Ishte prezente edhe ministresha e Pushtetit lokal, Shirete Elezi. E bëmë analizën e kodit zgjedhor. Sot sollëm vendim që vendimet që i kemi nga ministria e vetëqeverisjes lokale që deri më 14 maj të ushtrojmë funksionin tonë. E obliguam ministren që të informoj qeverinë se ne do të punojmë deri më 14 maj. Kërkuam që të dijmë rolin dhe detyrën tonë. Ne jemi të gatshëm të respektojmë ligjin deri më 14 maj. Qeveria duhet të sjell vendim që si të veprojmë ne pas kësaj date. Jam optimist se do të bëhet qeveria e re, shumë shpejt.” tha Nevzat Bejta pas takimit të kryetarëve të komunave nga radhët e BDI-së me ministreshën e Pushtetit Lokal, Shirete Elezi. /Telegrafi/