Mes zhgënjimit të venezuelianëve dhe dominikanëve për të qenë kaq afër kurorës së Miss Universe 2023, reagimi i Miss Kosovës mori vëmendjen më të madhe gjatë finales së konkursit, ku fitoi R’Bonney Gabriel, Miss SHBA.
Amerikania nuk ishte ndër të preferuarat e asnjë eksperti gjatë eventeve të mëparshme të Miss Universe, të zhvilluara këtë të shtunë, më 14 janar. Megjithatë, Gabriel arriti të fitonte kurorën e nëntë për vendin e tij.
Përfaqësuesja e Republikës Domenikane, Andreina Martinez u kualifikua si finalistja e dytë, ndërsa favoritja e madhe e natës Amanda Dudamel ishte finalistja e parë, gjë që shkaktoi zhgënjim të madh në vendin e saj.
Mirëpo, një reagim që tërhoqi vëmendjen e të gjithëve është ai i Roksana Ibrahimit, përfaqësueses së Kosovës.
21-vjeçarja mesa duket nuk ka mundur ta fshehë pakënaqësinë e saj për fitoren e Gabrielit dhe gjithçka është regjistruar në video.
Me shpejtësi, reagimi i Ibrahimit u bë viral në rrjete sociale dhe shkaktoi një valë komentesh ku duket se janë dakord me të dhe fitues duhet të ketë qenë Dudamel.
Kur përfaqësuesja e Venezuelës dhe ajo e Amerikës ishin kapur për dore, duke pritur që prezantueset Olivia Culpo dhe Jeannie Mai të thoshin emrin e fituesit, në sfond prisnin edhe vajzat e skualifikuara.
Në videon e publikuar në rrjetet sociale, në sfond shihet Ibrahimi, e cila kur ka dëgjuar emrin e R’Bonney Gabriel, i është zhdukur menjëherë buzëqeshja dhe ka tentuar të duartrokiste, por dukej se do të ishte kundër dëshirës së saj dhe nuk e bëri.
Todos somos Miss Kosovo pic.twitter.com/7OzJAigVbR
— lara, lara Mariana (@marianarlaras) January 15, 2023
Ngurrimi i kandidates së Kosovës ra në sy dhe fytyra e saj menjëherë nga e qeshura shkoi në serioze, madje ajo tregon refuzimin e rezultatit, me një tundje të kokës kur shikon një tjetër vajza afër saj.
Përdoruesit e rrjetit nuk e humbën rastin të shfaqin edhe pakënaqësinë e tyre për rezultatin, duke shkruar: “Sjellja e Miss Kosovës i thotë të gjitha”, “E gjora Miss Kosova, ajo nuk i fsheh dot ndjenjat”, “Reagimi i Miss Kosovës është i paçmuar!” madje edhe “Ne jemi të gjithë Miss Kosova”.
Përndryshe, mbrëmja e Miss Universe 2023 u mbajt në New Orleans, në Qendrën e Konventave Ernest N. Morial dhe është hera e parë që një modele me origjinë filipinase fiton konkursin për Shtetet e Bashkuara.
Al parecer Miss Kosovo “lo dice todo” #MissUniverse2023
— Iván Morett M. (@EliviMorett) January 15, 2023
R’Bonney Gabriel ka lindur në Huston. Ajo bëri histori në dhjetor 2021 si amerikania e parë me origjinë filipinase që fitoi titullin Miss Texas USA. Bukuroshja ka lindur në vitin 1994 dhe së shpejti do të mbushë 29 vjeç, duke e bërë atë Miss Universe më të vjetër në histori.
Gabriel është një stilist, model dhe instruktor qepjeje. Ajo mori një diplomë bachelor në dizajnin e modës nga Universiteti i Teksasit të Veriut. Miss Universe e re është gjithashtu CEO e linjës së saj të veshjeve. /Telegrafi/