Site icon Telegrafi

Bëhet viral goli i tretë i Harry Kane ndaj Augsburgut

Shkumbin Pireva

Sulmuesi i Bayern Munich, Harry Kane ka shënuar het-trik ndaj Augsburgut të premten mbrëma në ndeshjen e vlefshme për javën e 11-të në Bundesliga, por goli i tretë i tij është bërë viral në rrjetet sociale.

Bayern Munich fitoi kundër Augsburgut me rezultat 3-0 ndeshjen e zhvilluar në Allianz Arena, ku lojtari kryesor ishte Kane me tri gola të shënuar.

Dy nga tre golat e yllit anglez erdhën nga pika e penalltisë, ndërsa goli i tretë erdhi nga loja e hapur.

Megjithatë, i treti është vërtet i veçantë dhe ka bërë bujë të madhe në rrjetet sociale, pas kontrollimit magjik të topit nga Kane dhe pastaj shënimit në golin e zbrazët.

 

Ky gol ka pushtuar rrjetet sociale me shumë tifozët që thonë se “Kane ka rikrijuar logon e Bundesligës” dhe të tjerë që e kanë cilësuar si gol të jashtëzakonshëm.

Ndryshe, Kane tani ka shënuar 20 gola dhe ka dhënë nëntë asistime në vetëm 17 paraqitje për Bayern Munich në të gjitha garat këtë sezon. /Telegrafi/

 

 

 

 

Exit mobile version