Kemi dëgjuar për propozime të pazakonte, disa prej të cilave janë bërë në det, në lartësi të mëdha – por një e veçantë ka ndodhur në Zenica të Bosnjë dhe Hercegovinës.
Sipas mediave vendase, përcjell Telegrafi, bëhet fjalë për një djalë të ri, i cili kishte vendosur që propozimin, të dashurës së tij, t’ia bënte gjatë orëve të hershme të mëngjesit.
Dhe për të qenë më origjinal dhe më kreativ, ai vendosi të punësojë një kompani me një vinç dhe një “shportë”, në mënyrë që propozimi të mos ndodhte pa këngë – për të cilën gjë ftoi edhe një daullexhi.
Vajza thuhet se jeton në një ndërtesë në katin e katërt, dhe kur u zgjua, ajo kishte diçka për të parë.
Në dritare ishte i dashuri i saj dhe daullexhiu duke luajtur këngën e tyre të zakonshme.
Historia përfundoi me një epilog të lumtur, me vajzën duke thënë ‘PO’, gjë që e plotësoi tërë ngjarjen. /Telegrafi/