Bëhet e ditur se mbi 30 makineri të rënda ndërtimi janë vendosur në rajonin e Prizrenit, në përgatitje për nisjen e punimeve në autostradë, për të cilën do të përdoren mbi 1.100 makineri ndërtimi.
Përndryshe, autostrada do të jetë e sistemit të mbyllur, hyrje daljet vetëm në kyçjet e autostradës. Gjerësia e autostradës do të jetë 28 metra, ku do të jenë 4 shirita qarkullues me nga 3.75 metra, 2 shirita për ngadalësim me nga 3.0 metra, si dhe brezi i gjelbër në mes në gjerësi prej 4 metrash.
Autostrada do të ketë mbikalime, nënkalime dhe të gjitha pajisjet e rrugës ku përfshihen sinjalizimi dinamik, sistemet e komunikimit, ndriçimin në udhëkryqe dhe barrierat kundër zhurmës.
Periudha e defekteve është 18 muaj në Kosovë, ndërsa periudha e garancisë është 6 vjet. /rtv21/telegrafi/