Washington Wizards janë rikthyer te fitoret pas dy humbjeve radhazi në NBA.
Në ndeshjen e zhvilluar në Capital One arena të Washingtonit, Wizards kanë shkaktuar befasi duke e mposhtur Los Angeles Clipppers me dy pikë diferencë, 119:117.
Ka qenë një ndeshje me shumë kthesa në rezultat, por në fund vendasit fituan me plotë meritë, falë dyshes fantastike Breadley Beal dhe Rusell Westbrook.
Beal e mbylli takimin me 33 pikë, shtatë kërcime e tre asistime duke konfirmuar formën e lartë që po kalon këtë edicion.
Ndërkohë me lojë të mirë tek vendasit u dallua edhe Rusell Westbrook me 27 pikë, 11 kërcime e nëntë asistime.
Kawhi Leonard me 22 pikë ishte më efikasi tek mysafirët, por që nuk mjaftoi paraqitja e tij e mirë të marrin fitore.
Për Wizards kjo ishte fitorja e 14 këtë edicion kundër 20 humbjeve, derisa Clippers kanë bilanc prej 24-14 në të mirë të fitoreve. /Telegrafi/
Rezultatet:
Boston Celtics – Toronto Raptors 132:125
Washington Wizards – LA Clippers 119:117
New York Knicks – Detroit Pistons 114:104
Indiana Pacers – Denver Nuggets 103:113
Memphis Grizzlies – Milwaukee Bucks 111:112
NO Pelicans – Miami Heat 93:103
San Antonio Spurs – Oklahoma City Thunder 102:107
Phoenix Suns – Golden State Warriors 120:98
Portland Trail Blazers – Sacramento Kings 123:119
