Gjermania dhe vende të tjera të BE-së kishin shprehur fillimisht rezerva të mëdha kushtetuese si dhe ligjore në lidhje me mbrojtjen e sekretit të të dhënave. Kjo marrëveshje i mundëson SHBA-së akcesin në të dhënat e transfertave bankare të qytetarëve evropianë, kodet e të cilëve i administron institucioni financiar belg SWIFT.
Në këtë mënyrë hetuesit për vepra terroriste nga SHBA-ja do të vazhdojnë të kenë mundësi të gjurmojnë transaksionet e dyshimta financiare. Marrëveshja tani për tani ka një kufi kohor prej nëntë muajsh, SHBA-ja nuk lejohet që t’ua kalojë të dhënat evropiane shteteve të treta.