Gazeta maqedonase “Dnevnik” në artikullin me titull “Deri te festat Ahmeti do të sjellë vendim për ose kundër 5 qershorit”, shkruan se ende BDI-ja nuk precizon datën se kur mund të mbahen zgjedhjet e ardhëshme parlamentare. Për BDI-në, prioritet i lartë është që fillimisht të përfundon kriza politike dhe Presidenti Ivanov të tërheqë vendimin.
“Të zgjidhet kriza politike duhet që të fillohet nga dikund. Kaps inciale është që Presidenti Ivanov ta tërheqë vendimin për falje. Të gjejë zgjidhje koncensuale për dalje nga kriza. Që të arrihet zgjidhje, ajo duhet të jetë e pranueshme për të gjithë. Duhet të ketë zgjedhje në të cilin do të marrin pjesë të gjithë, dhe këto zgjedhje do të ishin pranuar nga të gjithë pjesmarrësit”, kanë bërë të ditur nga BDI, thuhet në artikullin e gazetës pro-qeveritare Dnevnik./Telegrafi/