Ky ka qenë përfundimi ku ka dalë një raport i Bankës Botërore, i cili është publikuar paraprakisht në gazetën prestigjioze britanike, "Gardian".
Kështu Banka Botërore e ka përgënjeshtruar teorinë e Shtëpisë së Bardhë dhe qeverisë amerikane, sipas së cilës prodhimi i biokarburanteve ka ndikuar në rritjen e më pak se 3 për qind të çmimeve të ushqimit, ndërsa pjesa më madhe e ngritjes së çmimeve i dedikohet rritjes së kërkesave nga India dhe Kina.
"Rritja e shpejtë e kërkesave të vendeve në rrugën e zhvillimit nuk ka sjellë një rritje të madhe në konsumin botëror të grurit dhe nuk ka qenë faktor vendimtar për rritjen e çmimeve", shkruhet në raport ku shtohet se shkaqet e kësaj nuk duhet të kërkohen as në fatkeqësitë natyrore që kanë goditur Australinë, por në nxitjen e Shteteve të Bashkuara drejt prodhimit të biokarburanteve.
Raporti është publikuar pak ditë nga takimi i G8 në Hokkaido, Japoni, ku liderët e vendeve më të fuqishme të botës do të përballen mbi këto tema.
Ndryshe liderët e vendeve më të industrialaziuara të botës, do të takohen të hënën në Tokio, ku ne qendër të takimit pritet të jenë çështja e ngrohjes globale dhe rritja e çmimeve të naftës, që po prek edhe ekonomitë e këtyre vendeve. /Panorama – Telegrafi/