Vlerësimi i BB-së është më i ulët nga parashikimet e ekspertëve të Fondit Monetar Ndërkombëtar (FMN), të cilët javën e kaluar vlerësuan se në vitin 2009 duhet të pritet ekspanzion i ekonomisë globale prej 2,2 për qind.
FMN-ja në gjysmën e parë të vitit, para shpërndarjes së krizës ekonomike nga SHBA-ja në Evropë dhe mbarë botën, parashikoi se rritja ekonomike globale në vitin 2009 do të jetë tre për qind.
BB-ja në parashikimet më të reja, e ka zvogëluar për qindjen e rritjes ekonomike në vendet në zhvillim gjatë vitit 2009 në 4,5 për qind, nga 6,5 për qind paraprakisht të projektuara. Ekspertët e Bankës njëkohësisht vlerësuan se SHBA-ja, Bashkimi Evropian dhe Japonia, vitin e ardhshëm do të kenë shkallë të vogël negative të rritjes prej minus 0,1 për qind. Kjo është shumë më keq nga paraprakisht e parashikuara dy për qind ekspanzion ekonomik.
Banka parashikimet më të reja për rritjen e ekonomisë botërore i dha gjatë Samitit të ardhshëm të Grupit 20 vendet industriale më të zhvilluara (G-20), të caktuar për me 15 nëntor në Uashington, në të cilin duhet të konfirmohen zgjidhjet për tejkalimin e krizës së tanishme financiare dhe për formimin e sistemit ndërkombëtar financiar.
Kryetari i BB-së Robert Zelik, njoftoi se banka do ta rrisë mbështetjen e më pak vendeve të zhvilluara të cilat gjatë tre viteve të ardhshme do të marrin hua dhe llojeve tjera të mbështetjes financiare në vlerë prej rreth 100 miliardë dollarë.
Zelik, tha se kjo ndihmë do t’ju shërbejë vendeve më të rrezikuara për stabilizimin e situatës së brendshme ekonomike dhe për ballafaqim me deficitet buxhetore, të shkaktuara nga kriza globale financiare.
I pari i BB-së i paralajmëroi pjesëmarrësit në Samitin G-20 gjatë shqyrtimit të problemeve vijuese ekonomike të kenë parasysh se kriza globale e tanishme më së shumti i përfshin njerëzit më të varfër të planetës.
"Si edhe çdo herë, më të varfërit janë më të prekshëm dhe ato më së shumti goditen", konkludoi Zelik.