Pavarësisht që është një prej vendeve më të pasura në botë, megjithatë Zvicra nuk është imune ndaj probleme të pastrehëve.
Një studim i realizuar në vitin 2019, ka treguar se në Bazel në qytetin e tretë me numrin më të madh të banorëve, jetojnë afro 100 njerëz nëpër rrugë dhe 200 tjerë që flenë tek miqtë, transmeton Telegrafi.
Në tentim që ta zgjedh këtë problem, Bazel ka menduar një metodë të pazakontë – dërgimin e të pastrehëve në qytetet e tjera evropiane.
E përditshmja zvicerane “20 minute” shkruan se zyrtarët lokalë po u ofrojnë të pastrehëve zarfe për udhëtimet në çfarëdo destinacioni në Evropë, si dhe nga 20 euro para të thata (kesh).
Në anën tjetër “Le News” shkruan se tashmë 31 të pastrehë e kanë pranuar këtë ofertë. Por edhe pse të gjithë të pastrehët mund të lajmërohen për të marrë zarfin dhe paratë – duhet të nënshkruaj një marrëveshje që dëshmon se nuk do të kthehen në Bazel apo në Zvicër për të paktën një kohë – e ata që shkelin marrëveshjen do të deportohen. /Telegrafi/