Bayern Munichu ka shënuar një fitore të thellë ndaj Schalkes me rezultat 5-0 në ndeshjen derbi të vlefshme për javën e 19-të në Bundesliga.
Bavarezët kanë vazhduar serinë pozitive në kampionat, duke arritur edhe fitoren e pestë radhazi dhe duke iu afruar pozitës së parë në vetëm një pikë.
Pjesa e parë e ndeshjes u karakterizua me lojë dominuese nga Bavarezët, të cilët përveç rasteve të shumta arritën të shënojnë edhe dy gola.
ROBERT LEWANDOWSKI! ⚽#FCBS04 1-0 (5') pic.twitter.com/iQDKqiMGRs
— FC Bayern Munich (@FCBayernEN) January 25, 2020
Goli i parë i ndeshjes erdhi pas vetëm gjashtë minutave lojë dhe ishte i përhershmi Robert Lewandowski, i cili shënoi për 1-0.
Në minutat shtesë të pjesës së parë, Bayerni gjeti golin përsëri dhe ishte Thomas Muller që shënoi për 2-0.
Dominant 🔴#FCBS04 pic.twitter.com/2Hbvm5kn8u
— FC Bayern Munich (@FCBayernEN) January 25, 2020
Pjesa e dytë përsëri foli e gjitha në të mirë të Bavarezëve, të cilët vazhduan dominimin dhe golat për të siguruar fitoren e radhës.
Leon Goretzka (50’) ishte shënues për rezultat 3-0, ndërsa Thiago Alcantara (58’) për 4-0.
This is beautiful 😍
THIAGOOOAL!#FCBS04 4-0 (58) pic.twitter.com/dEzjSK7fNJ
— FC Bayern Munich (@FCBayernEN) January 25, 2020
Deri në fund të ndeshjes pati edhe shumë raste nga të dyja skuadrat, por ishte vetëm Bayerni që shënoi me Serge Gnabry (89′) për 5-0 duke vulosur rezultatin përfundimtar.
🌟🌟🌟🌟🌟 pic.twitter.com/NrW1n2Kdcm
— FC Bayern Munich (@FCBayernEN) January 25, 2020
Pas kësaj fitore, Bayerni e sheh veten në pozitën e dytë me 39 pikë apo një më pak se lideri RB Leipzig, ndërsa Schalke renditet në vendin e pestë me 33 pikë.
Në ndeshjen e radhës, Bavarezët udhëtojnë te Mainzi, ndërsa Schalke udhëton te Hertha Berlini. /Telegrafi/
https://www.youtube.com/watch?v=XgfSLo4OkzA
https://www.youtube.com/watch?v=LUYHHWqHP3s
https://www.youtube.com/watch?v=DshOqNpuBbM
https://www.youtube.com/watch?v=39v4bimVil8
https://www.youtube.com/watch?v=axdIsJXmM4w