Bayern Munich thuhet se ka rezervuar 100 milionë euro për të sjellë një sulmues të ri në Allianz Arena në verë dhe mund të shkojë për Victor Osimhenin e Napolit.
Bavarezët u ndanë me golashënuesin e rekordeve të klubit, Robert Lewandowski verën e kaluar dhe morën Sadio Manen, i cili tani e gjen veten në ujë të nxehtë pas përplasjes së tij të dyshuar me shokun e skuadrës Leroy Sane pas çerekfinales së Ligës së Kampionëve kundër Manchester Cityt.
Eric Maxim Choupo-Moting është rritur në mënyrë të mrekullueshme në mungesë të një tjetër qendërsulmuesi të njohur, me 17 gola nga 28 paraqitje në të gjitha garat këtë sezon.
Por, Bayerni është i interesuar të sjellë një zgjidhje më të përhershme për klubin sa më shpejt të jetë e mundur dhe sipas La Gazzetta dello Sport, Osimhen është ndër kandidatët kryesorë në listën e tyre të dëshirave.
Megjithatë, pavarësisht se Bayern ka lënë mënjanë një shumë nëntëshifrore për të shpenzuar për një sulmues të ri, mund të ketë ende një pabarazi mes asaj dhe çmimit të kërkuar të Napolit për Osimhen.
Tashmë ka pasur interesim nga Manchester United dhe Paris Saint-Germain, të cilëve thuhet se u tha nga Aurelio De Laurentiis se oferta për sulmuesin nigerian do të fillonte nga 150 milionë euro. /Telegrafi/