Telegrafi

Bayern Munich synon transferimin e Gianluca Mancinit

Gianluca Mancini. (Photo by Emilio Andreoli/Getty Images)

Roma mund të mbes pa njërin nga lojtarët më të mirë të repartin defensivë, Gianluca Mancini.

Mbrojtësi i talentuar italian ka vetëm një vit që është bashkuar me Romën dhe ka bërë paraqitje jashtëzakonisht të mira.

Mancini përpos që luan në rolin e qendërmbrojtësit, ai është angazhuar edhe si mesfushor defensivë në disa ndeshje ku ka luajtur me plot sukses.

Falë formës së mirë të treguar, Mancini ka zgjuar interesimin e gjigantit gjerman Bayern Munich.

Trajneri i Bayernit, Hansi Flick e pëlqen lojtarin dhe ka kërkuar nga drejtuesit e klubit të tentojnë transferimin e tij në verë.

Gianluca Mancini. (Photo by Emilio Andreoli/Getty Images)

Javi Martinez dhe Jerome Boateng pritet të largohen nga Bayerni, ndërsa Mancini shihet si lojtari ideal për të zëvendësuar njërin nga të larguarit.

24-vjeçari ka luajtur 31 ndeshje këtë edicion me fanellën e Romës, ku ka shënuar edhe një gol.

Edhe pse Bayerni po insiston për transferimin e tij, vështirë se Roma do të lejoj largimin e Mancinit i cili shihet si mbrojtësi i së ardhmes në Itali.

Roma e ka transferuar reprezentuesin italian për 15 milionë euro, por vlera e tij tani është rritur dhe ai vlerësohet rreth 30 milionë. /Telegrafi/