Bayern Munich e ka mposhtur Wolfsburgun në kuadër të javës së 17-të në Bundesligë me rezultat 2-0.
Përballja që u zhvillua në Allianz Arena, përfundoi pa gola në pjesën e parë, derisa në të dytën u shënuan dy.
Bavarezët e kishin në vazhdimësi iniciativën për të dalë përpara, por te goli kundërshtar ishin të pafat.
Anpfiff zum letzten Spiel 2019! ⚽️ #packmas #FCBWOB 0:0 (1') pic.twitter.com/3JO26aaAk2
— FC Bayern München (@FCBayern) December 21, 2019
Në minutën e 45+3, Bayerni ishte i pafat, pasi Javier Martinez u lëndua dhe në vend të tij u fut Jerome Boateng.
Në pjesën e dytë ritmi i lojës ishte edhe më i lartë, mirëpo portierët ishin në nivelin e lartë të detyrës.
ZIRKZEE MACHT ES!#FCBWOB 1:0 (86') pic.twitter.com/eN7GkrnDWP
— FC Bayern München (@FCBayern) December 21, 2019
Tentimet e pareshtura të Bayernit u shpaguan në minutat e fundit të ndeshjes, pasi në të 86-në talenti Joshua Zirkzee shënoi për 1-0 nga një asistim i Thomas Muller.
89. Minute! 2:0! Entscheidung!👨🍳#FCBWOB 2:0 pic.twitter.com/xqPYbyEBbX
— FC Bayern München (@FCBayern) December 21, 2019
Serge Gnabry (89’) e dyfishoi epërsinë për skuadrën vendase, e që u asistua nga sulmuesi polak.
Pas javës së 17-të, Bayerni gjendet në pozitën e tretë me 33 pikë, ndërsa në xhiron e 18-të do të takohet me Hertha Berlinin. /Telegrafi/