Bayern Munich thuhet se po udhëheq garën për të nënshkruar me Kim Min-Jae dhe është gati të paguajë klauzolën e lirimit të mbrojtësit të Napolit.
Qendërmbrojtësi 26-vjeçar koreano-jugor ishte një nga lojtarët kryesor të Napolit këtë sezon, duke luajtur një rol vendimtar në sistemin e Luciano Spallettit teksa klubi fluturoi drejt Scudettos së tretë në historinë e tyre.
Një lojtar taktikisht inteligjent dhe imponues, Kim ishte i rëndësishëm si në mbrojtje ashtu edhe në lojën e ndërtuar të Napolit, duke u shfaqur shpejt si një nga mbrojtësit më të mirë në Evropë.
Manchester United është një nga shumë klubet që duan të nënshkruajnë me koreano-jugorin, por ata nuk po udhëheqin më garën.
Sipas gazetarit Gianluca Di Marzio dhe Sky Sports Germany, Bayern Munichu është seriozisht i interesuar për nënshkrimin e Min-jae këtë verë dhe janë të gatshëm të paguajnë klauzolën e tij të lirimit prej 50 milionë eurosh, e vlefshme vetëm për klubet nga jashtë Italisë.
Bisedimet mes dy klubeve pritet të fillojnë së shpejti me ritëm të plotë dhe mbrojtësi koreano-jugor së shpejti mund të shkojë në Bundesligë. /Telegrafi/