Ish-ylli i Fiorentinës, Gabriel Batistuta shprehu keqardhjen për trajtimin e Diego Maradonës, duke sugjeruar se nuk i dhanë asgjë.
Karriera e tij dhe legjendës argjentinase në Serie A nuk u mbivendos kurrë, me të parin që mbërriti te Fiorentina për sezonin 1991-92 dhe ky i fundit u largua verën më parë. Dyshja luajtën së bashku për Argjentinën, veçanërisht në Kupën e Botës të vitit 1994 në SHBA, por kryesisht ata përfaqësonin periudha të ndryshme.
Duke folur për La Nacion, Batistuta foli për vdekjen e Maradonës dhe mënyrën se si u trajtua gjatë gjithë jetës së tij.
“Kur mendoj për të ndihem i çuditshëm, në borxh. Unë nuk jam dakord me 60 për qind të gjërave që ka bërë, por çfarë bëmë ne për t’u kujdesur për të?”, ka deklaruar fillimisht ai.
“Çfarë kam bërë unë si tifoz dhe shoqëria ku jemi? Ne nuk bëmë asgjë. Ai na kishte dhënë gjithçka dhe ne nuk i kthyem asgjë. Që në fillim askush nuk bëri asgjë për Diegon”.
“Imazhi i fundit i Maradonës në TV është i mjerueshëm, kur e pashë thashë me vete ‘ky djalë është një fantazmë’, mendoj se e kishin tërhequr zvarrë atje për të përfituar prej tij”, ka shtuar më tej ai.
Një figurë kontroverse si gjatë dhe pas karrierës së tij si lojtar, Maradona është padyshim një nga futbollistët më të mëdhenj të të gjitha kohërave. Argjentinasi e udhëhoqi Napolin drejt dy Scudettove dhe luajti një rol kryesor për Argjentinën në triumfin e tyre në Kupën e Botës të vitit 1986.
Maradona është ende i lartësuar në statusin pothuajse hyjnor në qytetin e Napolit dhe pamja e tij është e pranishme në muralet në të gjithë kryeqytetin e Campania. /Telegrafi/