Trajneri i Llapit, Tahir Batatina, është ndarë i pakënaqur edhe me gjykimin në Conference League, ku pësoi nga Shkupi me rezultat 2-0.
Batatina pretendon se Shkupi nuk e meritonte një fitore të tillë me vetëm dy raste në të gjithë ndeshjen, ndërsa sipas tij u ndihmua edhe nga referimi i dobët.
“Kjo fitore me dy gola është e pamerituar. Shkupi fitoi me vetëm dy raste që kishte në ndeshje. Ne pësuam golin e parë në mënyrë naive, dhe pastaj të dytin në fund”.
“Kishte disa vendime të diskutueshme të gjyqtarëve, kështu që kur gjithçka përmblidhet, ne nuk e meritonim një humbje të tillë”.
“Por mendoj se kemi kohë të mjaftueshme për t’u përgatitur për takimin e kthimit. Ky avantazh në shtëpi nuk është i paarritshëm”.
“Ne do të përpiqemi ta anulojmë, edhe pse Shkupi është një ekip cilësor”, ka thënë Batatina në konferencën për shtyp pas ndeshjes. /Telegrafi/