Antonio Conte rrezikon shkarkimin e bujshëm nga Chelsea dhe bastoret në Britaninë e Madhe janë të bindur për këtë.
Shumë kompani bastesh e kanë ulur ndjeshëm kuotën për largimin e trajnerit italian nga bankina e Bluve të Londrës, ndërkohë që Betway dhe Paddy Power e kanë pezulluar vënien e basteve për këtë çështje.
Sipas Bookmakersave, Conte konsiderohet si kandidati i tretë për t’u shkarkuar nga detyra e tij pas Slaven Bilic të West Ham dhe David Moyes të Sunderland.
Sigurisht këto kuotime për të ardhmen e trajnerit italian nuk janë pëlqyer aspak nga tifozët e Chelseat që kanë dalë në mbrojtje të Antonio Contes.
Nuk janë të paktë ata që nëpërmjet rrjetit social Twitter kanë ngritur pyetjen se përse duhet shkarkuar Conte nga Chelsea, pavarësisht se klubi londinez gjendet në vendin e 7 në Ligën Premier i shkëputur me 6 pikë nga kryesuesit e Manchester City.