Legjenda e basketbollit amerikan, Kobe Bryant ka dhënë mendimin rreth kërkesave të lojtarëve për pushim para përfundimit të sezonit të rregullt.
Gjithnjë e më shumë, trajnerët po i pushojnë yjet kryesore para ‘Play-Offr’, por jo për shkak të lëndimeve, por për arsye të lodhjes.
Veprime të tilla kanë krijuar polemikë mesin e analistëve të basketbollit dhe rreth kësaj ka folur edhe ish lojtari i Los Angeles Lakers, transmeton Telegrafi.
“Unë kurrë nuk kam kërkuar pushim prej trajnerit, por as ai nuk më ka pyetur nëse kam nevojë për pushim”, ka thënë Bryant.
Legjendar Karl Malone nuk ka zgjedhur fjalor teksa ka kritikuar basketbollistët.
“Nëse nuk keni luajtur të paktën dhjetë vjet, tërhiqni të pasmet tuaja prej palestrës. Ajo nuk është lojë, por punë. Nëse luani mjaftueshëm dhe keni nevojë për pushim, shkoni dhe tregoni policëve, mjekëve dhe të tjerëve që nuk paguhen sa duhet pa marrë pushim”, tha Malone. /Telegrafi/