Këtë të diele (12 qershor) u transmetua emisioni i fundit i kësaj sezone i “Barber Shok” me Fis Junikun.
Të ftuarit e fundit ishin dy basketbollistët e njohur, Gëzim Morina dhe Erjon Kastrati.
Dyshja e basketbollistëve që këtë vit u bën kampion me “Golden Eagle” për gjatë emisionit ndër tjera kanë folur edhe për jetën private duke zbuluar edhe statusin e tyre aktual.
Të pyetur nga moderatori i emisionit, Gëzimi u shpreh se është beqar, teksa Erjoni pranoj ae është në një marradhënie dhe është vetëm çështje kohe që lidhja e tij të konkretizohet në martesë.
Ndërkohë, kujtojmë që gjatë gjithë sezonit në “Barber Shok” ishin të ftuar shumë emra të njohur në vend duke bërë rrëfime të padëgjuara më parë. /Telegrafi/
