Lajmi u publikua më parë gjatë ditës nga BBC, ku shtohej se të dy kompanitë do të mbajnë zyrat e tyre në Kanada dhe Angli. Me këtë bashkim, bursa e re do të shndërrohet në më e madhja në botë për kompanitë minerale.
Më shumë se 6 700 kompani do të jenë pjesë e kuotave të bursës së re, me një treg të përbashkët prej 3.7 trilionë (3 700 miliardë) dollarësh.
Tendenca e bashkimit të bursave vazhdon në rrugën e saj pas ngjarjeve të një viti më parë, kur Bursa e Nju Jorkut bleu Euronext-in apo Deutsche Borse që bleu Bursën Ndërkombëtare të Sigurimeve në SHBA. LSE ka blerë më parë edhe Bursën Italiane. /Telegrafi/