Bashkia e Shkupit nuk do të heq dorë nga zhvendosja e shitësve nëpër trotuaret e Bit Pazarit pasi që pengojnë zhvillimin normal të komunikacionit.
Kështu shprehet kryebashkiaku Petre Shilegov, i shoqëruar në konferencë shtypi nga kryetari i komunës së Çairit, Visar Ganiu.
Ata u bënë ftesë shitësve ilegalë të cilët tash e disa ditë protestojnë duke i bllokuar rrugët, që të pranojnë propozimin e Bashkisë, dhe të vazhdojnë të punojnë, duke i shfrytëzuar lehtësimet e ofruara.
Shilegov sqaroi se bëhet fjalë për një numër prej 30 shitësve, të cilëve u janë ofruar tezga falas./Telegrafi/
