Kelly Young nga Londra, i kishte shitur një palë këpucë përmes internetit, por bashkë me to e ka dërguar edhe një lodër seksuale.
Këtë objekt shumë privat, ajo e kishte fshehur në njërën prej këpucëve dhe ka harruar ta largonte, kur e paketoi kutinë për ta dërguar me postë, transmeton Telegrafi.
Vetëm pasi i arriti një mesazh që thoshte ‘mos të ka humbur diçka’ 22-vjeçarja e kuptoi, se çfarë i dërgoi blerësit, që këpucët po ia bënte dhuratë gruas për përvjetorin e martesës.
Ajo pranon se ndjehet shumë e turpëruar për ‘dhuratën ekstra’, ndërsa u vonua disa ditë të kthente përgjigje – megjithëse ende nuk i është kthyer asgjë prapa.
“Mund të ma ktheni apo ta hidhni në mbeturina, më vjen keq, ishte një keqkuptim. Me rrëndësi është se nuk e kam vënë me qëllim, të jeni të bindur” ka shkruar Young.
Asaj i vinte keq, se gruaja e blerësit do të mendonte që ajo e vuri qëllimshëm, që t’i vardisej në ndonjë forme perverse atij, por që nuk është e vërtetë. /Telegrafi/