Kreu i PD-së, Lulzim Basha, sërish ka bërë thirrje qytetarëve për protestë.
Përmes një shkrimi në Facebook, kreu i PD, ka thënë se nuk do të ketë asnjë hap pas, ndërsa edhe një herë ka bërë thirrje për protestën sot në orën 19:00.
“Asnjë hap pas për çlirimin e vendit nga e keqja”- shprehet i vendosur kreu i opozitës, i cili fton qytetarët në orën 19.00 në protestë, duke renditur edhe arsyet për t’iu bashkuar protestës. Pushteti i krimit ka rënë! Parlamenti është i paligjshëm! Fëmijët e shqiptarëve janë pa buke! Shtëpitë po prishen për korrupsion. Drejtësia është e kapur! Biznesi po rrënohet! Dhuna godet kudo! Thika e pushtetit ka prekur palcën!”
“Nuk durohet më! Vetëm vota e lirë do të sjellë një qeveri që punon për njerëzit! Për mirëqenie! Për punësim! Për zhvillim! Vetëm standardet dhe demokracia, do të hapin rrugën tonë drejt Evropës!”, ka shkruar Basha, transmeton Telegrafi.
