Marc Barta po rikthehet përsëri në kampionatin spanjoll por jo te Barcelona.
Mbrojtësi spanjoll ka humbur vendin e titullarit tek gjiganti gjerman Borussia Dortmund.
Për një vit e gjysmë, Bartra ka qenë titullar i rregullt te Dortmundi por pa arritur të bind me paraqitjet e tij.
Kësisoj verdhezinjtë kanë transferuar mbrojtësin zviceran Manuel Akanji dhe Bartra ka humbur pozitën e titullarit.
Spanjolli ka kërkuar largimin nga klubi dhe po dëshiron rikthimin në kampionatin spanjoll La Liga.
Është skuadra e Real Betis që ka shfaqur interesim për ta rikthyer në vendlindje Bartran.
Betis është e gatshme të shpenzojë rreth tetë milionë euro për transferimin e Bartras, shumë e barabartë që pagoi Dortmundi te Barcelona.
Në 20 ndeshje sa ka luajtur këtë edicion me fanellën e Dortmundit, Bartra ka shënuar katër gola dhe ka asistuar në një tjetër.
Interesim për reprezentuesin spanjoll ka shfaqur edhe skuadra angleze Swansea City. /Telegrafi/