Gerard Pique ka marrë një përkrahje edhe nga presidenti i Barcelonës, Josep Maria Bartomeu, për fjalët që i tha drejt Real Madridi.
Zëvendëspresidenti i Blaugranave, Jordi Cardoner, kishte dalë më parë në mbrojtje dhe këtë e ka konfirmuar edhe presidenti.
“Klubi tashmë e ka dhënë mendimin përmes Cardoner dhe qëndrojmë pas Piques”, ka thënë Bartomeu.
Këto i pri i klubit i ka thënë në ingaurimin e punimeve për stadiumin Johan Cruyff.
Pique kishte thënë se nuk i pëlqen vlerat e Real Madridit dhe se kurrë nuk do të punonte në këtë klub. /Telegrafi/