Një moment i pazakontë është filmuar me telefon të mençur në një nga plazhet e bukura të Spanjës, ku derisa pushuesit po shijonin rrezet e diellit, një barkë me emigrantë afrikanë ndalet në rërë dhe masa zbret dhe fillojnë të vrapojnë.
Pushuesit mbetën të habitur kur panë afro 50 marokenë në mesin e tyre 10 fëmijë, duke vrapuar në drejtim të hotelit luksoz në Costa de la Luz të Spanjës, transmeton Telegrafi.
Ngjarja ka ndodhur rreth orës 3 të pasdites së të shtunë në plazhin Barrosa, që konsiderohet një nga plazhet më të popullarizuara në pjesën jugore të Spanjës.
Sipas rojeve bregdetare spanjolle, nga 50 emigrantët 25 prej tyre janë arrestuar dhe 19 janë të moshës minorene. Ata gjithashtu kanë njoftuar se emigrantët janë nga Maroku të cilëve rrugëve ilegale janë futur në Spanjë.
Kjo nuk është hera e parë që raste të tilla po ndodhin në plazhet e Spanjës, muaj më parë ishin filmuar afro 50 emigrantë tjerë duke u munduar t’i ikin policisë bregdetare. /Telegrafi/
