Në një fshat në veri të Selanikut pranë varrezave, një bari shqiptar kishte gjetur një çantë të zezë brenda të cilës gjendeshin dy kavanozë, ku në secilën ishte nga një embrion, ka bërë të ditur sot policia greke.
Bariu shqiptar kishte gjetur çantën të shtunën në mëngjes në fshatin Vrisaki në pjesën veriore të Selanikut, dhe në momentin që e kishte hapur menjëherë i kishte telefonuar policisë pasi kishte mbetur i shokuar me atë çfarë kishte parë brenda, transmeton Telegrafi.
Sipas policisë greke embrionet ishin në javën e 20-të të zhvillimit, të cilët menjëherë i janë dërguar patologut për ekzaminim, kurse policia ka filluar hetimet lidhur me këtë ngjarje të tmerrshme. /Telegrafi/
