Site icon Telegrafi

Barcelona poston një fotografi të mesfushorit Riqui Puig, të gjithë befasohen me ngjashmërinë e tij me Robin Van Persie

Shkumbin Pireva

Një fotografi e të riut të Barcelonës, Riqui Puig, nga një seancë stërvitore e fundit është bërë virale në mediat sociale, me shumë fansa që e krahasojnë pamjen e tij me ish-sulmuesin e njohur holandez, Robin van Persie.

Mesfushori 21-vjeçar ka marrë pjesë në trajnimin para-sezonal ndërsa gjigantët katalunas përgatiten për ndeshjen e tyre hapëse të sezonit kundër Real Sociedad më 15 gusht.

Puig, i cili bëri 24 paraqitje në të gjitha garat për Barcelonën sezonin e kaluar, do të shpresojë të hyjë në planet e trajnerit Ronald Koeman ndërsa përpiqen të ngrenë titullin e tyre të parë në La Liga që nga viti 2019.

Ndërsa Antoine Griezmann dhe Frenkie de Jong u kthyen në trajnimin me kohë të plotë në objektin Ciutat Esportiva, Puig i talentuar buzëqeshi për kamerën – por pak e dinte se ai së shpejti do të bëhej një sensacion viral në rrjetet sociale.

Llogaria zyrtare e Barcelonës në Twitter postoi fotografinë e reprezentuesit të Spanjës U21 në faqen e tyre dhe shpejt tërhoqi krahasime me ish -sulmuesin e Arsenalit dhe Manchester Unitedit, Robin van Persie.

Në fakt, disa bënin shaka se Puig po bënte përshtypjen e tij më të mirë për Van Persie, në mënyrë që menaxheri holandez Ronald Koeman t’i jepte minuta.

Ishte edhe vet ish-sulmuesi holandez që bëri shaka me postimin e Barcelonës, duke i uruar fat ‘djalit’ të tij, Puig.

Këtu janë disa nga reagimet më të mira nga fotografia e fundit e Puig dhe Van Persie që u bë trend në Twitter në orët e vona të së martës, me shokun e ekipit të Barcelonës, Gerard Pique, gjithashtu të përfshirë në krahasime. /Telegrafi/

 

 

Exit mobile version