Barcelona padyshim ka përmirësuar cilësinë në skuadrën e saj këtë janar, por kjo ka krijuar një problem të ri për Blaugranët pasi rregullat e UEFA-s nënkuptojnë se ata mund të shtojnë vetëm tre lojtarë të rinj në listën e tyre të skuadrës për Ligën e Evropës.
Para se të mbyllet tregu i transferimeve të dimrit, klubet kanë kohë deri më 2 shkurt për të dërguar skuadrat e tyre të përditësuara në UEFA, por vetëm tre lojtarë të rinj mund të përfshihen.
“Në fazën e play-off-it të raundit eliminator, një klub mund të regjistrojë maksimumi tre lojtarë të rinj të kualifikuar për ndeshjet e mbetura në kompeticionin aktual”, kështu e shpjegon UEFA rregullin.
Barcelona tashmë ka nënshkruar me Dani Alves, Ferran Torres dhe Adama Traore, por ende po punon për blerje të tjera të mundshme, si Pierre-Emerick Aubameyang ose Nicolas Tagliafico.
Nëse do të vijë një lojtar tjetër, atëherë të paktën një nga ardhjet e janarit nuk do të jetë në gjendje të paraqitet në garat evropiane gjatë muajve të mbetur të sezonit, duke krijuar një dhimbje koke për Xavi .
Trajneri tashmë e di se as Abde Ezzalzouli dhe as Ferran Jutgla nuk do të mund të luajnë në Ligën e Evropës këtë sezon.
Edhe pse të dy po luajnë rregullisht për ekipin e parë, asnjëri nuk ka qenë në akademinë e Barcelonës aq gjatë sa të konsiderohet një prodhim i tyre.
Si të tillë, ata do të duhet të zënë një nga tre vendet e lartpërmendura dhe kjo nuk do të jetë e mundur për shkak të numrit të lojtarëve që janë nënshkruar tashmë. /Telegrafi/