Luis Suarez u detyrua të largohej nga fusha pas vetëm 33 minutash lojë të zhvilluar në humbje e Barcelonës ndaj Athletic Bilbaos.
Blaugranasit e filluan mbrojtjen e titullit me humbje, pasi Aritz Aduriz shënoi një gol të bukur në minutën e 89-të për Baskët.
Skuadra katalunase ka konfirmuar se sulmuesi uruguaian ka pësuar lëndim në muskulin e këmbës së djathtë.
[INJURY NEWS] Tests carried out on Saturday morning have confirmed that @LuisSuarez9 has an injured right calf. His recovery will dictate his return to action. pic.twitter.com/QeXdD3gMii
— FC Barcelona (@FCBarcelona) August 17, 2019
“Testet që janë zhvilluar të shtunën (17 gusht) në mëngjes dhe kanë konfirmuar se lojtari i skuadrës së parë, Luis Suarez, ka pësuar lëndim në muskuj”, thuhet në njoftimin e Barcelonës.
“Rikuperimi i tij do të tregojë për rikthimin e tij në aksion”, është thënë më tej në njoftimin e katalunasëve.
Kampioni i La Liga-së nuk e ka specifikuar se kur do të rikthehet Suarez sërish në fushë, por sipas Marca-s, uruguaiani pritet që të jetë i gatshëm pas ndeshjeve ndërkombëtare që zhvillohen në shtator. /Telegrafi/