Barcelona ka konfirmuar se Jordi Alba ka pësuar lëndim në muskulin e këmbës së djathtë.
Mbrojtësi spanjoll u lëndua në ndeshjen që Blaugranasit e fituan 2-1 ndaj Getafes në kuadër të javës së 24-të në La Liga.
Alba tentoi të vazhdonte takimin, mirëpo ndjente dhimbje në këmbën e djathtë e që u detyrua ta lëshonte fushën në minutën e 22-të.
Mbrojtësi u zëvendësua nga Junior Firpo, ndërsa pas ndeshjes katalunasit dolën me komunikatë.
“Testet kanë konfirmuar se Jordi Alba ka lënduar muskulin e këmbës së djathtë. Ai është jashtë dhe rikuperimi do të vendos për gatishmërinë e tij”, thuhet në komunikatë.
Në ditët në vijim, mbetet të shihet se sa kohë do të mbetet jashtë fushës mbrojtësi spanjoll. /Telegrafi/
⚠️ INJURY UPDATE | Tests have confirmed that Jordi Alba has an injured right adductor. He is out and his recovery will determine his availability. pic.twitter.com/jeyltdYUWM
— FC Barcelona (@FCBarcelona) February 15, 2020