Barcelona konfirmon dëmtimin e Ansu Fatit, jep detaje

Barcelona ka konfirmuar dëmtimin e sulmuesit të tyre Ansu Fati, i cili lëshojë fushën me lot në sy gjatë pjesës së parë në ndeshje ndaj Celta Vigos.

Barcelona ishte afër të merrte një fitore të madhe në udhëtim te Celta Vigo pasi mbyllen pjesën e parë me epërsi 0-3, por në fund barazuan 3-3.

Golat në këtë përballje për Barcelonën u shënuan nga Ansu Fati (5’), Sergio Busquets (18’) dhe Memphis Depay (34’).

Lexo po ashtu Ansu Fati shkëlqen për 45 minuta te Barcelona, por pastaj lëshon fushën i dëmtuar

Megjithatë, fundi i pjesës së parë sjelli një lajm të keq për katalunasit, pasi Ansu Fati u lëndua përsëri.

Talenti spanjoll sapo është kthyer nga dëmtimi dhe u detyrua ta lëshoj fushën pa u mbyllur mirë pjesa e parë, ndërsa u zëvendësua në pushimin mes pjesëve.

Barcelona tashmë ka konfirmuar dëmtimin e lojtarit me anë të faqes së tyre zyrtare në internet.

“Testet këtë mbrëmje mbi lojtarin Ansu Fati kanë zbuluar se ai ka dëmtuar bicepsin femoral në kofshën e majtë dhe nuk do të jetë i disponueshëm për përzgjedhje derisa të shërohet”, thuhet në njoftim. /Telegrafi/