Barcelona ka kaluar në 1/8 e finales në Kupën e Mbretit, pasi triumfoi 4-0 në udhëtim te Barbastro.
Pas 21 minutash lojë, Eric Garcia kaloi katalunasit në epërsi me një asistim të Ronald Araujos.
Dhjetë minuta më vonë, Robert Lewandowski dyfishoi epërsinë e Barcelonës, me një asistim të Pablo Torre.
Me këto dy gola përfundoi pjesa e parë, ndërsa edhe në të dytën u shënuan dy të tjera.
Lewandowski shënoi golin e dytë personal, ku u asistua sërish prej Torre, tani në minutën e 47-të.
Pas dy asistimesh, Torre kaloi në golashënues, për ta thelluar epërsinë e Barcelonës në 4-0.
Barcelona e kaloi lehtësisht këtë raund, ndërsa do të mësojë emrin e kundërshtarit të radhës. /Telegrafi/