Barcelona për shumë kohë ka qenë e interesuar për të nënshkruar me talentin gjerman Florian Wirtz dhe tani duket se ai do jetë njëri ndër objektivat kryesor për katalanasit në verën e ardhshme.
20-vjeçari i cili mund të luajë në disa pozitë në mesfushë, po cilësohet si një ndër lojtarët e rinj më të talentuar në Evropë dhe Barcelona shpreson se mund të nënshkruaj me të vitin e ardhshëm.
Sipas raportimeve në Gjermani, do të duhej një ofertë prej 100 milionë eurosh në mënyrë që Barcelona të bindë Bayer Leverkusenin që të ndajë rrugët me Florian Wirtz.
Wirtz pak kohë më parë la prapa vetes një lëndim serioz dhe tani është duke treguar përsëri kualitetin që ai posedon.
🚨 Barcelona are interested in Florian Wirtz who is valued at €100m by Bayer Leverkusen, according to Mundo Deportivo 😱 💰 pic.twitter.com/Dsm86OtqYa
— OneFootball (@OneFootball) September 26, 2023
Deri më tash këtë sezon, Wirtz është paraqitur në shtatë ndeshje nën urdhrat e Xabi Alonsos, duke shënuar 3 gola e po aq asistime.
Ai më herët e ka pranuar se është tifoz i Barcelonës dhe katalanasit do mundohen ta shfrytëzojnë këtë në favorin e tyre.
Por duke parë momentalisht sitautën financiare tek Barcelona, ata nuk janë në një pozitë që të ofrojnë shumën e parave që Leverkusen po e kërkon për shërbimet e Wirtz.
Barcelona do të duhej të bënte shitjen e një lojtari të rëndësishëm para se të krijohen mundësitë për nënshkrimin me mesfushorin gjerman.
Emri i Gavit është përmendur më herët si njëri ndër kandidatët e mundshëm për shitje në kampin blaugran.
Ka qenë Xavi ai që e ka bërë të qartë në të kaluarën se Gavi luan një rol të madh në planet e tij për të tashmen dhe te ardhmen.
Sidoqoftë, katalanasit janë serioz rreth nënshkrimit me Wirtz, dhe ata do të duhej të punojnë për të gjetur një mënyrë për të gjeneruar të ardhura të cilat do ua mundësojnë realizimin e këtij transferimi./Telegrafi/