Barcelona ka fituar me përmbysje në shtëpi ndaj Celta Vigos me rezultat 3:2 në kuadër të javës së gjashtë në elitën e futbollit spanjoll.
Golin e parë në këtë takim e shënoi danezi Jorgen Strand Larsen në minutën e 19-të të sfidës, pas një asistimi nga Luca de La Torre, duke e dërguar topin në cepin e djathtë të portës së Marc Andre Ter Stegen.(0-1)
⚽️🇪🇸 GOAL | Barcelona 0-1 Celta Vigo | Strand Larsen
Strand Larsen opens the scoring vs Barcelona!https://t.co/yUneazGmJS
— Tekkers Foot (@tekkersfoot) September 23, 2023
Në minutën e 36-të nga fusha e lojës u largua Frenkie De Jong si pasojë e një lëndimi dhe në vend të tij u fut Gavi.
Me këtë rezultat përfundoi pjesa e parë e këtij takimi. (1-0)
Në minutën e 64-të të ndeshjes, Ferran Torres humbi një mundësi të artë për të vënë barazpeshën në këtë takim, pasi nuk arriti të gjejë kuadratin e portës.
Vetëm pak minuta më vonë, më saktësisht në minutën e 76-të, Celta Vigo ia doli të dyfishojë epërsinë pas një kundërsulmi të shpejtë i cili pa grekun Anastasios Douvikas teksa dërgon topin në rrjetën e Ter Stegen pas një asistimi nga Iago Aspas.(0-2)
https://twitter.com/vartatico/status/1705645559703343450
Barcelona arriti të zbusë epërsinë përmes Robert Lewandowskit i cili shënoi në minutën e 81-të. (1-2)
Felix assist Lewandowski goal 🔥🔥🔥🔥pic.twitter.com/zOsdzTthOi
— JEY🥇 (@Mmonkoaa) September 23, 2023
Polaku u shërbye në zonë nga portugezi Joao Felix dhe me ndihmën e transversales arriti që të zbus shifrat në 2:1.
Goli i barazimit nga blaugranët erdhi në minutën e 85-të ku përsëri autor i golit ishte Robert Lewandowski. Ai shfrytëzoi për mrekulli asistimin fantastik nga Joao Cancelo duke çuar topin në cepin e majtë të portës së Ivan Villar.(2-2)
Lewandowski brace 🔥🔥🔥🔥🔥🔥
We need a Hat Trick 🔥🔥pic.twitter.com/h5Takj5pqe
— JEY🥇 (@Mmonkoaa) September 23, 2023
Fitoren në këtë ndeshje Barcelonës ia dhuroi goli i Joao Cancelos i cili erdhi në minutën e 89-të të takimit pas një krosimi të hatashëm nga spanjolli Gavi. (3-2)
https://twitter.com/madridblaugrana/status/1705649022361367002
Pas kësaj fitoreje, Barcelona renditet në pozitën e parë në tabelë me 16 pikë të grumbulluara por me një ndeshje më shumë të zhvilluar se rivali Real Madrid, që nesër do të luajë derbin e qytetit ndaj Atletico Madrid./Telegrafi/