Telegrafi

Barcelona fiton lehtësisht ndaj Dynamo Kyiv dhe siguron kalimin nga Grupi F

Romak Zeqiri

Barcelona ka shënuar fitore shumë të rëndësishme në udhëtim te Dynamo Kiev me rezultat 0-4 për ta siguruar zyrtarisht kalimin në raundin tjetër pas katër ndeshjeve.

Edhe pse trajneri Ronald Koeman kishte vendosur t’i pushojë disa nga lojtarët kryesorë të ekipit përfshirë Lionel Messin, skuadra e tij mori një fitore të lehtë në udhëtim.

Pjesa e parë përfundoi ashtu siç filloi me rezultat të barabartë 0-0, edhe pse dyja skuadrat kishin raste shënimi.

Por me të filluar pjesa e dytë, katalunasit gjetën golin e epërsisë kur shënoi mbrojtësi amerikan Sergino Dest për 0-1 në minutën e 52-të.

Pesë minuta më vonë, sulmuesi danez Martin Braithwaite realizoi nga afërsia për 0-2 pas asistimit nga mbrojtësi Minugeza.

Danezi Braithwaite nuk u ndal me kaq, pasi në minutën e 70-të fitoi penallti të cilën e shndërroi në gol vet për 0-3.

Krejt në fund të ndeshjes, Antoine Griezmann realizoi golin e katërt për Barcelonën pas asistimit nga Jordi Alba.

Me këtë fitore të arritur, Barcelona edhe zyrtarisht ka siguruar kalimin në raundin tjetër nga Grupi G, por i duhet edhe një fitore për ta siguruar vendin e parë në tabelë.

Pas këtyre tri pikëve, Barcelona është lider i vetëm në Grupin G me 12 pikë pas katër ndeshjeve, teksa Dynamo Kiev është e fundit me vetëm një pikë.

Ndeshjen e ardhshme Barcelona do ta luaj në udhëtim te Ferencvaros në Hungari, ndërsa Dynamo Kiev viziton Italinë për tu përballur me Juventusin. /Telegrafi/