Kryetrajneri i Barcelonës, Luis Enrique, i ka dhënë mbështetjen e plotë lojtarëve të tij para ndeshjes së parë çerekfinale në Ligën e Kampionëve ndaj Atletico Madridit.
Katalunasit nisin ndeshjen e së martës pas humbjes 2 me 1 në shtëpi nga Real Madridi në fundjavë.
Kjo humbje prishi serinë prej 39 ndeshjeve rresht pa humbje, por Luis Enrique thotë se ajo nuk do të ndikojë në ndeshjen ndaj Atleticos.
“Ata janë të veçantë. Do të garojmë deri në maksimum, sigurisht. Nuk e di nëse do të fitojmë apo jo, por ekipi është i mirë për të vazhduar të qenit i njëjti ekip sikurse që kemi parë muajve të fundit. Kam besim të madh në lojtarët e mi dhe në vendosmërinë për të fituar tituj”, ka thënë ai në konferencën për media, transmeton koha.net.
Barcelona e ka mposhtur Atleticon 2:1 në të dy ndeshjet në La Liga sivjet.