Grupit të banorëve që jetojnë në Strood të Anglisë, iu kërkuan ta largojnë pishinën e fëmijëve, pasi përbën rrezik nga ndonjë hajn që mund të lëvizë andej gjatë natës.
Zyrtarët që merren me sigurinë e zonës, kërkuan që pishina me diametër prej katër metrash të largohet apo të zbrazet gjatë natës, pasi përbën rrezik për shëndetin dhe jetën e kalimtarëve të rastit dhe fëmijëve, transmeton Telegrafi.
Maria Young është në mesin e banorëve, që i mblodhën 80 euro për ta blerë mjetin portativ, i cili shfrytëzohet për të luajtur fëmijët.
“Kalonin shumë mirë, të vegjlit argëtoheshin, ndërsa ne shoqëroheshin mes vete. Por, duket se më e rëndësishme është mirëqenia e hajnave” ka thënë Young.
Pas kërkesave të shumta, atyre iu lejua pishina gjatë ditës, por iu kërkohet që të zbrazet gjatë natës.
Meqenëse duhen mbi 50 kubikë ujë, rreth tri orë për tu mbushur, duket se pishina do qëndrojë e mbyllur deri në ndonjë vendim tjetër. /Telegrafi/