Rreth 100 tanke janë zbuluar afër stacionit hekurudhor të Elanovskayas, rreth 100 kilometra jashtë qytetit Yekaterinburg në Malet e Uraleve, shkruan gazeta “Kommersant”.
Prania e tyre është zbuluar pasi një faqe interneti e një gazete lokale postoi një video me tanket, të mbuluara me një shtresë të madhe bore dhe duke pushuar paqësisht ndërmjet hekurudhës dhe malit pa rojën e personelit ushtarak.
“Ka tanke të braktisura sa të duash në mal. Nëse të duhet një, eja merre”, dëgjohet zëri i një personi prapa kamerës në videon e postuar në “E1.ru”, derisa kamera incizon tanket e braktisura.
Zëdhënësi i ushtrisë për rajonin Volga-Ural, degë e ushtrisë ruse që mbulon këtë rajon, tha se tanket po transportoheshin drejt një baze ushtarake si pjesë e një operacioni rutinor logjistik.
“Ndodhë që kanë mundur t’i incizojnë me kamerë. Ky nuk është një sekret ushtarak, ndërsa vendosja e një rojë afër secilit tank është e pamundur”, tha zëdhënësi i ushtrisë Ruse Dmitry Burdakov. /Telegrafi/