Banorët e rrugë “Xhemajl Ibishi” në Prishtinë janë detyruar që vetë ta rregullojnë një pjesë të rrugës që kishte mbetur kohë të gjatë e dëmtuar nga një intervenim i ujësjellësit.
Banorët e lagjes kanë postuar fotografitë në Facebook, duke thënë se kanë pritur për rreth tre muaj që këtë ta bëjë Komuna e Prishtinës.
Por, pritjes së tyre i ka ardhur fundi. Ndonëse jo me asfalt, por me beton, ata kanë mbuluar gropën, që sidomos pas reshjeve të shiut të kohëve të fundit ishte thelluar shumë.
