Në baraka pothuaj të rrënuara, pa ujë, shpesh pa rrymë, e në temperatura të ulta, banorët e Plemetinit të Obiliqit i zuri edhe Viti i Ri 2018.
Në këtë të ftohtë, fëmijët nuk kanë as çfarë të veshin.
E banorët po thonë se nuk kishte festë për ta, madje nuk po kanë as ushqim.
Sipas kësaj banoreje gjatë tërë vitit askush nuk u interesua për ta.
I zhgënjyer, Kade Ajeti po thotë se është i lodhur nga kjo gjendje e mjerueshme, ku më shumë janë të uritur se sa të ngopur.
Sikur të mos iu mjaftonin këto halle. Këta banorë po rrezikohen edhe nga qentë endacakë. /Tribuna/
