Për shkak të numrit të vogël të banorëve, shumë fshatra të Gollakut kanë mbetur pa transport publik.
Në emisionin “Zyra e Ankesave” në RTV Dukagjini qytetarët janë ankuar se autobusët po shkojnë deri në fshatin Keqekollë, por jo edhe në Prapashticë duke vështirësuar transportin e nxënësve për në shkollë.
Drejtoria e Shërbimeve Publike në Prishtinë, Habib Qorri u është përgjigjur ankesave të qytetarëve në RTV Dukagjini.
Ai ka thënë se është bërë plani i mobilitetit por që sipas tij nevojiten mjete në mjaftueshme transporti për të përfshirë edhe fshatrat Prapashticë e Dabishec, përcjell Telegrafi.
“Një autobusë nuk po mund të mbulojnë linjat e zonës së Gollagut, Prapashticë dhe Dabishec. Këtë vit është planifikuar të riorganizohet transporti në tërë territorin e komunës, por pandemia edhe këtë projekt e ka lënë në gjysmë”.
Qorri thotë se duhen të gjenden mjete transporti adekuate në mënyrë që të mbulohet edhe kjo zonë me autobusë pasi sipas tij në zonën e Gollakut kanë mbetur shumë pak banorë dhe nuk janë të përshtatshëm çdo lloj autobusi për atë zonë./Telegrafi/