‘ Duke pasur parasysh se Kosova nuk është e ekspozuar në tregjet e jashtme financiar, Raiffaisen Bank nuk ka humbur asnjë para në bursa dhe të gjitha kursimet janë të sigurta ”, ka deklaruar zëdhënësi i kësaj banke,Asdren Rrahmani.
Edhe zyrtarët e Procredit Bank kanë deklaruar për media se nuk kanë asnjë problem me kthimin e kredive dhe bankar është duke i menaxhuar me kujdes paratë e qytetarëve.
Kriza globale e bankave erdhi kur miliona qytetarë amerikanë,të cilët kishin marrë kredi për shtëpi nuk mundën të paguajnë shlyerjen e kësteve, çka çoi në falimentimin e bankave.
Qeveria amerikane dha 700 miliardë dollarë për ti ndihmuar bankat duke blerë kreditë e këqija, por kriza u përhap në të gjithë botën.