Pas kësaj ndërhyrjeje, dinari u tregtua me 89 dinarë për një euro.
Ndërkohë Banka Qendrore Serbe njoftoi se po planifikon të përshtasë disa masa të përkohshme gjatë muajit dhjetor, në mënyrë që të nxisë likuiditetin dhe të mbajë bankat me aftësi të lartë paguese gjatë krizës financiare globale.
Sipas këtyre masave, bankat me rritje të aktivitetit të kredisë mbi 15% nuk do të duhet më të rrisin kapitalin, në mënyrë që të arrijnë normat e mjaftueshmërisë së kapitalit.
Sektori bankar në Serbi u godit rëndë në tetor si rrjedhojë e rënies se depozitave, që sipas analistëve vlerësohet të ketë qenë midis 500 milion deri në 1 miliard euro, kryesisht për shkak të frikës se kriza globale e kredive mund të godiste Serbinë .