Banka Nacionale zvicerane SNB është e gatshme për ndërhyrjen në tregun e valutave, në mënyrë që „të relaksojë” më tutje politikën monetare. Për të stabilizuar tregun do të marrë më shumë kohë.
Kështu ka deklaruar zëvendëspresidenti i Bankës Nacionale, Jean-Pierre Danthine, në një intervistë për gazetën zvicerane „TagesAnzeiger”.
Banka më 15 janar ka tronditur tregjet financiare, kur pas tre vjetëve ka hequr dorë nga norma minimale prej 1.20 franga kundrejt euros, duke shkaktuar përmirësim të fortë të kursit të këmbimit në franga.
Më vonë SNB tha se mbrojtja e këtij kursi vetëm në janar do t’i kushtojë 100 miliardë franga zvicerane.
“Heqja dorë nga kufizimi do të thotë shtrëngim të politikës monetare. Ne e pranojmë, por vetëm në një pikë të caktuar. Në thelb, ne jemi të përgatitur për të ndërhyrë në tregjet e monedhës”, thotë Danthine në një intervistë për gazetën zvicerane “TagesAnzeiger”.
Ai thotë se do të marrë kohë për të stabilizuar tregjet e valutave dhe Banka Nacionale jo vetëm që ndjek kursin e frangut me euron, por edhe me dollarin.
Në lidhje me strategjinë e re të valutave, ai theksoi se politika daneze valutore është e përshtatshme për Zvicrën, por sistemi i Singaporit, i cili lejon rritjen dhe uljen e dollarit të Singaporit në raport me valutat e partnerëve të tij më të rëndësishëm tregtarë meriton një analizë të kujdesshme. /albinfo/