Mund t’ju duket shumë e çuditshme dhe mbase gjëja më absurde që keni dëgjuar kohët e fundit, por kjo është e vërtetë. Një banane e ngjitur në mur me ngjitës është shitur në Art Basel Miami Beach për 120,000 dollarë.
Puna e realizuar nga Maurizio Cattelan u prezantua të mërkurën nga Perrotin, një galeri e artit bashkëkohor, themeluar në Paris.
Titulluar “Comedian”, kjo vepër arti përfshin një banane të blerë në një dyqan ushqimesh në Miami dhe një ngjitës të vendosur mbi të.
Emmanuel Perrotin, themeluesi i galerisë, tha për CNN se “bananet janë simbol i tregtisë botërore dhe një mjet komik, kanë kuptime të dyfishta”.
Cattalan njihet për skulpturat që sfidojnë publikun.
Një nga veprat e tij – një tualet i realizuar me flori 18-karatësh me vlerë 6 milionë dollarë – u shkul nga muri dhe u vodh nga Bleinheim Palace në Angli. /Telegrafi/
